ស្រីស្អាត២នាក់ជិះម៉ូតូតាមផ្លូវ ត្រូវបានរថយន្ដបើកបុកពីក្រោយ បណ្ដាលឱ្យរងរបួសធ្ងន់ស្រាល
02-July-2016 | ដោយ មែន កំសត់
ភ្នំពេញ៖ រថយន្ដស៊េរីទំនើបមួយគ្រឿង បានបុកម៉ូតូ Today មួយគ្រឿងពីក្រោយ បណ្ដាលឱ្យស្រីស្អាត២នាក់ រងរបួសធ្ងន់ស្រាល ត្រូវបានដឹកយកទៅសង្គ្រោះ នៅមន្ទីរពេទ្យកាល់ម៉ែត។
ហេតុការណ៍គ្រោះថ្នាក់ចរាចរណ៍នេះ កើតឡើងនាម៉ោង១០និង១០នាទីយប់ថ្ងៃទី០១ ខែកក្កដា ឆ្នាំ២០១៦ លើកំណាត់ផ្លូវជាតិលេខ៦A ស្ថិតក្នុងភូមិគៀនឃ្លាំង សង្កាត់ជ្រោយចង្វារ ខណ្ឌជ្រោយចង្វារ។
ប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេឃើញ ស្រីស្អាត២ជិះម៉ូតូ Today មួយគ្រឿងតាមដងផ្លូវ លុះមកដល់ចំណុចកើតហេតុ ក៏មានរថយន្ដទំនើបម៉ាក Land Crusier មួយគ្រឿងពាក់ស្លាកលេខភ្នំពេញ 2AD-2928 បានបុកពីក្រោយពេញទំហឹង បណ្ដាលឱ្យជនរងគ្រោះម្នាក់របួសធ្ងន់ និងម្នាក់ទៀតរបួសស្រាល។
ក្រោយពេលកើតហេតុ ជនរងគ្រោះទាំង២នាក់ ត្រូវបានបញ្ជូនទៅសង្គ្រោះមន្ទីរពេទ្យកាល់ម៉ែត ចំណែករថយន្ដបង្ក និងម៉ូតូត្រូវបានសមត្ថកិច្ចជំនាញយកទៅរក្សាទុក ដើម្បីដោះស្រាយតាមនីតិវិធី៕
ចំនួនអ្នកទស្សនា
- ថ្ងៃនេះ10151
- ម្សិលមិញ14181
- សប្តាហ៍នេះ10151
- ខែនេះ125301
- ឆ្នាំនេះ125301
- សរុប20567757